Najoqqutat aamma periaaseq
Nalinginnaasumik Aalisarneq pillugu inatsisartut inatsisaat nr. 18, 31. oktober 1996-imeersoq taakkulu nalunaarutitaat atuupput. Paasissutissat KANUAANA-mut nassiussorneqartut Naatsorsueqqissaartarfiup atortarpai.
Annertussutsit tonsinut uuttugaapput. Aningaasanngorlugit nalingi ilanngunneqanngillat, tulaassinermut kisitsisitigut paasissutissiani aamma avammut tunisinermut paasissutissani avataasiorluni pisat avataani suliareriikkani suliarineqarnikuummata.
Annertussutsinut ilaapput pisat tamarmik, taakkununnga ilaallutik igitassat aamma atorsinnaanngitsut. Tulaassat aamma avataasiorluni pisat pillugit kisitsisitigut paasissutissani aamma avataasiorluni pisanit avataani suliareriikkani avammut tunisinermut kisitsisitigut paasissutissani taakku ilanngillat.
Saqqummersitami uani pisat tamakkerneri aalisarneq pillugu kisitsisitigut paasissutissani saqqummersitanut allanut sanilliullugit assigiinngissinnaapput, paasissutissanik aallerfiit najoqqutaat assiginngilaarsinnaaneri tamatumunnga pissutaavoq. Assersuutigalugu tulaassanut kisitsisitigut paasissutissat taamaallaat tulaassanut tunngassuteqarput, taakkulu saqqummersitami uani atorneqanngillat, maanna saqqummersitami taamaallaat atorneqarmata pisassiissutinut paasissutissanut tunngasut.
Aalisariutinut nassuiaassutitut aallaavigineqarput piginnittut tunngavigalugit. Piginnittut amerlanerpaat ataatsimik aalisariuteqarput, kisianni aamma amerlasuut allariinnik assigiinngitsunik angissusilinnik aalisariuteqarput. Piginnittoq arlariinnik assigiinngitsunik angissusilinnik angallataateqaraangat angallatit ataasiakkaarlugit nalunaarsorneqartarput.
Piffissap ingerlanerani piginnittut nikerarsinnaasarput. Umiatsiaaqqamik angallataatilik aalisariummik anginerusumik imaluunniit avataasiortumik pigisamik taarsiilluni pisaarsinnaavoq. Piffissap ingerlanerani piginnittup pisai angallataanut anginermut nuunneqartarput. Umiatsiaaqqat assigisaallu tamarmik aalisariutinit atorneqarsimasut tamarmik aalisariutitut nalunaarsorneqarput.
Assersuut takutitassiaq qaleralittat kilisaatinut, aalisariutinut umiatsianullu immikkoorsillugit, ukiup affakkaartumik pisat
Najoqqut: Naatsorsueqqissaartarfik – kisitsisaataasivimmi kisitsisit takukkit http://bank.stat.gl/FIN010
Kisitsisit kisitsisaataasivimmi uani pissarisiarisinnaavatit: http://bank.stat.gl/FIN010.
Allanik immikkut paaserusutaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.